Nafarroako Gorteen Ereserkia

Nafarroako Gorteen ereserkia
Herrialdea	Nafarroa
Beste izendapenak	Nafarroako ereserkia Nafarroako Erresumaren ereserkia Erresumako ereserkia Himno de las Cortes Marcha para la entrada del Reyno
Jatorria	Iruñeko katedraleko klaustroan Gorteak igarotzean jotzen zen pasaklaustro barrokoa
Hitzak	Euskaraz: Jose Maria Azpiroz Gaztelaniaz: Manuel Iribarren, 1971
Musika	Ezezaguna
Onarpen data	1985
Multimedia	"Nafarroako Gorteen ereserkia" ereserkiaren bideoa ikusi eta entzuteko sakatu hemen (Joseba Tapiaren bertsioa)

Gorteen Ereserkia Nafarroako Foru Erkidegoko ereserki ofiziala da Nafarroako Sinboloei buruzko 24/2003 Foru Legearen arabera (2003ko apirilaren 4koa).

Nafarroako Gorteen ereserkia, Oiartzungo Erdi Aroko ekitaldi batean (2023)

Ereserkiaren jatorrizko doinua, "Erresumako Gortearen Sartzerako Martxa" izeneko pasaklaustro barrokoa da, Iruñeko katedraleko klaustroan jotzen zen Nafarroako Gorteetako kideak batzarretara zihoazenean.

Martxa hori XIX. mendetik jotzen zen ospakizun ofizial nagusietan, eta Nafarroaren ereserkitzat nahiz eta 1985era arte ez zen ofizialki aitortu, Foru Lege hura onartu zen arte.

Nafarroako Gobernuak ereserkiaren harmonizazio ofiziala onartu zuen 1993an eta Manuel Iribarrenek 1971n idatzitako hitzak erantsi zizkion, Jose Maria Azpirozek euskaraturik.

Hitzak

Euskaraz Nafarroa, lur haundi ta azkar beti leial, zure ospea da antzinako lege zaharra. Nafarroa, gizon askatuen sorlekua, zuri nahi dizugu gaur kanta. Gaiten denok bat, denok gogo bat. Behin betiko iritsi dezagun aintza, pake eta maitasuna.

Gaztelaniaz Por Navarra, tierra brava y noble, siempre fiel, que tiene por blasón la vieja Ley tradicional. Por Navarra, pueblo de alma libre, proclamemos juntos nuestro afán universal. En cordial unión, con leal tesón, trabajemos y hermandados todos lograremos honra, amor y paz.

Ereserki ez ofizialak

Hermilio Oloritzek 1894an Cartilla Foral manifestuan honako ereserki proposatu zuen:

«

Blandid los aceros / a Dios invocad / que vivan los Fueros / navarros gritad / Navarra, patria de héroes, / Tú que supiste ser / en tus empresas fuerte / y a tus deberes fiel / no sufras la coyunda / de vergonzosa ley / ni gimas como esclava / cuando eras Reina ayer. / Blandid los aceros / a Dios invocad / que vivan los Fueros / navarros gritad / Morir es mejor que / humillar en el polvo la frente / perdido el honor.

»

Kanpo estekak

• Nafarroako ereserkiaren doinua, bakarrik
• Nafarroako ereserkia, euskaraz abestua
• Nafarroako ereserkia, gaztelaniaz abestua

• Datuak: Q1137824